• ‘Hostaged’ Angel faces the media

    2

    (Editor’s Note: The following is a verbatim transcript of an impromptu news conference by Felix Nathaniel “Angel” Manalo on Friday, July 24, at the gate of the Manalo residence in Tandang Sora, Quezon City)

    Manalo: Ano, problema po natin yung nasa paligid po niya nasira na po … nasira na po ang doktrina ng Iglesia ni Cristo. Kung paano niyo hinangaan noon, ngayon po nakita niyo, napakarami nang anomalya. Napakaraming mga tiwali na ginagawa po ngayon sa Iglesia. Yun po ang ayaw po namin.

    Question: Ano po yung tinutukoy niyo sa video na panganib sa buhay niyo?
    Manalo: Kasi pinagbabantaan po kami eh.

    Question: Sino po ang nagbabanta sa inyo?
    Manalo: Yun pong Sanggunian.

    Question: Ano pong sinasabi nila sa inyo?
    Manalo: Ang sinasabi lumalaban po kami sa pamamahala. Hindi po kami lumalaban. Mahal po namin ang aming kapatid na siyang namamahala po ngayon sa Iglesia. Ang aming lang pakiusap, huwag siyang maniniwala dun sa Sanggunian na kaniyang pinagkakatiwalaan sapagkat nauubos na ang abuloy ng Iglesia sa kung anu-anong proyekto na hindi naman kailangan.

    Question: Sino po ang naglulustay ng pondo ng Iglesia? Saan po siya ginagastos?
    Manalo: Meron po kasi tayong mga construction na mga hindi naman dapat sanang naipagawa kaya tuloy nahihirapan yung iba na kung papaano babayaran yung mga maintenance cost nun.

    Question: Ang Philippine Arena po ba ang tinutukoy ninyo?
    Manalo: Isa na ang Philippine Arena sa pinagtataka ko kung bakit nabuo eh dahil nga sa… ang aming laging priority na ipinagagawa ay ang mga malalaking kapilya po. Alam nyo naman ho yun eh. Eh bakit ngayon, napunta ang focus po natin dun, eh sana man lang kung di nauubos ang pondo para po sa paggawa ng mga kapilya.
    Question: Kumusta po ang nanay niyo?

    Manalo: Siyempre nalulungkot po siya dahil sa hindi sya naiintindihan po ng kasulukuyang namamahala. Inuulit ko lang po, mahal po namin ang kapatid na Eduardo Manalo. Kaya lang nalulungkot po kami sa nangyayari ngayon. Di po kami papayag na lapastanganin po ang doktrina ng Iglesia ni Cristo dahil ito ay ginagawa ng mga ilang nakapaligid po sa aming kuya — sa aming kapatid.

    Question: Ngayong itiniwalag kayo, saan po kayo patungo? Ano pong balak niyong gawin?
    Manalo: Gusto ko lang po sanang manawagan po sana sa aming mga kapatid. Ang sabi ko nga ho kanina, kung maaari sana ay manawagan, una sa lahat, sa lahat ng mga ministro at manggagawa ng Iglesia ni Cristo. Ako po ay nakikiusap sa inyo na manindigan po tayo, huwag po kayong matakot. Kung maaari sana, pumunta na po kayo dito. Mag-vigil po tayo para po matapos na po lahat ‘to at makapagbigay po ng strong statement sa kapatid na Eduardo Manalo na ang Iglesia ay totoong nasasalaula na. Napakarami na pong katiwalian at ang pinakamasaklap sa lahat ay yung mga nawala po na mga ministro — yung mga missing na ministro, at yung mga ginigipit na ministro.

    Question: Bakit niyo po sinabing na-hostage po kayo?
    Manalo: Hindi ko po sinabi yun.

    Question: Yung nakasulat po (sa karatula)
    Manalo: Hindi po. Meron pong batang nagbibiro lang po. Wala po. Wala pong ganun.

    Question: Ngayong tiwalag na po kayo, paaalisin na daw kayo dito sa lugar. Saan po kayo pupunta?

    Manalo: Wala naman po akong pupuntahan eh. Kaya nga po yun ang pinagtataka ko eh. Kaya sana po ang mga kasama po natin sa media, ang totoo ay kayo ay pinasasalamatan po namin dahil kung hindi po sa inyo ay baka napahamak na po kami. Kaya nga sana nakikiusap na po kami sa inyo na maiparating niyo sa aming mga kasama, lalo na sa mga ministro’t manggagawa, at sa lahat po sana ng mga kapatid sa Iglesia ni Cristo, tumungo na po kayo dito sa lugar na ito. Ipagsanggalang po natin ang Iglesia. Huwag po nating papayagan na ito po ay madungisan. Salamat po.

    Share.
    loading...
    Loading...

    Please follow our commenting guidelines.

    2 Comments