TOOTS OPLE
ARAW ngayon ng mga manggagawa – saan man dako ng Pilipinas. Sila na kumukuha ng “order” ninyo sa mga restoran. Sila na nagpapadyak buong magdamag para maihatid kayo sa inyong nais puntahan. Sila na pahinante, mason, pintor, mekaniko, tubero, o basurero. Sakop din ng araw na ito ang inyong mga kapatid na nasa gobyerno, may mga suweldo na halos hindi maramdaman dahil sa laki ng buwis. Araw din ito ng inyong mga kasambahay, drayber ng pamilya, tsuper ng school bus ng inyong mga anak.